domingo, 15 de outubro de 2017

Carta de Ramón Cabanillas 20



Logo de confirmarse o ingreso na Academia Española en maio de 1929, Cabanillas acude con frecuencia a Madrid desde Cambados. Ademais de participar na vida académica, tamén exerce o labor de embaixador en prol de Peinador como sabemos por algunhas das cartas e aproveita para moverse como peixe na auga entre os galegos con influencia política na capital.

Pontevedra, 8 de Noviembre de 1929

Sr. Don Enrique Peinador

Querido Enrique: estuve con Vicente y con Teodosio. Éste vio ayer a Prieto y a Ramiro Vidal: el camino se acercará todo lo posible al balneario de Sabajanes e irá a morir a Riofrío, desechando el enlace con Gargamala. Respecto al de la Franqueira, hoy quedará terminado el estudio y mañana se harán las copias: una de estas será entregada a Vicente con la memoria que está preparando el mismo Teodosio, y Vicente me la facilitará para hacer la instancia al Ministro de Fomento.

Veo con frecuencia a los Creixell y conozco algunas cartas particulares de Sánchez Guerra y de las hijas. Supongo que habrás leído la defensa de Bergamín y la alegación del mismo Don José porque circulan con profusión; documentos interesantes lo son, pero, la verdad, es que no se explica porque no se publica todo lo referente al proceso. La noticia de hoy (la noticia o el canard) es que está detenido el Consejo de Guerra en pleno. También se asegura que a Riquelme, vocal del Consejo, a quien correspondía ascender a Teniente General el día primero de este mes, lo pasaron a la reserva.

¿Qué sabes de Callejo? Yo ni una palabra. Figueroa quedó de agitar el asunto.

Te abraza, con recuerdos a todos, tu buen amigo,

Ramón


Cabanillas estivo con Vicente Riestra, xenro de Ramón Peinador e deputado no Congreso até 1923, e tamén con Ramiro Vidal Carrera, alcalde de Mondariz entre 1926 e 1929.
O Prieto de quen fala o poeta pode ser Manuel García Prieto, cinco veces presidente do Consello de Ministros, a última antes do golpe de estado de Primo de Rivera, e membro destacado da rede clientelar construída por Montero Ríos.

Segundo parece pola información fornecida por Cabanillas: Riestra, Vidal, Prieto e Teodosio? están a mediar no Ministerio de Fomento en prol da construción dunha vía no concello de Mondariz que atravesaría as parroquias de San Mamede de Sabaxáns e San Miguel de Riofrío, e outra para comunicar o balneario con Santa María da Franqueira, no concello da Cañiza.

Cabanillas tamén fala na carta dos ruxerruxe que axitan Madrid, entre os que ocupa un lugar destacado o xuízo contra José Sánchez Guerra, político conservador que encabezou un plan frustrado para depoñer a ditadura de Primo de Rivera.

Ao cabo, o antigo ministro e tamén presidente do Consello de ministros saíu absolto, converténdose o xuízo nun acto contra a ditadura e a manifestación da desafección das clases altas co ditador. Os avogados do acusado – Bergamín, Alcalá Zamora e Rodríguez de Viguri – argumentaron que non podía haber delito de rebelión cando o goberno non foi constituído lexitimamente.

A continuación, o poeta fala de José Riquelme y López Bago, militar africanista co grao de coronel, que foi pasado á reserva durante a ditadura e posteriormente ascendido a xeneral na Segunda República. Riquelme comandou a Primeira División republicana de Madrid durante a Guerra Civil e foi destituído polo goberno de Largo Caballero logo de ser derrotado polo exército sublevado.

Por último, tamén semella referirse a Eduardo Callejo de la Cuesta, ministro de Instrucción Pública y Bellas Artes durante a ditadura de Primo de Rivera, con quen debe contactar o antigo ministro maurista Juan Armada Losada, marqués de Figueroa e tamén propietario do pazo de Fefiñáns, quen ademais admiraba a obra poética de Cabanillas.


Por unha carta posterior sabemos que o motivo da reunión do marqués de Figueroa co ministro Callejo é informarse sobre a aprobación no Consello de Ministros do crédito para executar as obras nos camiños de Mondariz.

domingo, 1 de outubro de 2017

Carta de Ramón Cabanillas 19



Cabanillas viaxa a Madrid en xaneiro de 1929 coa intención de illarse dos compromisos para rematar o discurso de ingreso na Academia Española, pero en febreiro regresa a Galiza onde debe asistir á cerimonia de ingreso de Vicente Risco na Academia. Apenas faltan tres meses para a súa propia toma de posesión e non consegue rematar o discurso de aceptación.

17 Febrero 1929

Cambados

Sr. D. Enrique Peinador

Mi querido Enrique:

Cuando recibí tu telegrama acababa de recibir otro de Eladio en que me dice que la sesión de ingreso de Risco será en la tarde del sábado 23. Desde luego en Coruña y supongo que entre siete y ocho. El local no lo se pero seguramente será o en el palacio municipal y locales de la Academia o en el salón del Recreo de Artesanos.

Yo estoy terminando el discurso de contestación – unas cuartillas sobre la labor de Vicente que no pasarán de 15 minutos de lectura, porque el de él es una cosa muy bonita pero muy larga y, aún que no lea las notas, le ocupará cerca de una hora o tal vez mas.

Me alegraría mucho de que fueses ese día y a la vuelta hablaríamos con Isidro. Si vas el mismo 23 podría yo acompañarte desde Santiago en donde estaré a las 12 del día.

Te abraza tu buen amigo

Ramón

Volví a tener la gripe, aunque benigna


Vicente Risco tomou posesión como académico de número da Academia Galega o 23 de febreiro de 1929 a proposta, segundo informa a propia institución, de Manuel Murguía, Eladio Rodríguez e Manuel Lugrís.

Na cerimonia de recepción leu o discurso: Un caso de lycantropía, editado posteriormente en 1971 pola imprenta Moret na Coruña, onde desenvolve o caso de Manuel Blanco Romasanta, o lobishome de Allariz, e, por extensión, o folclore mitolóxico da licantropía en Galiza.

O acto celebrouse no salón da Reunión Recreativa e Instructiva de Artesanos, na Coruña, presidido por Eladio Rodríguez González, a quen acompañaron os académicos Carré Aldao, Lugrís Freire, Maciñeira Pardo, Cabanillas, Ánxel del Castillo e Martínez Morás.

Tamén asistiron, entre outros, Enrique Peinador, Antón Villar, Leandro Carré e María Barbeito.

Cabanillas respondeu en nome da Academia cunha intervención certamente curta, apenas catro páxinas, glosando a evolución que levou a Risco desde o orientalismo até o nacionalismo, loando os traballos etnográficos porque, como afirma nun dos parágrafos do discurso: Con empeño afervoado recolléu canto se refire â nosa mitoloxía, seguro de que o mito e sempre a cortiza que cobre unha verdade étnica”.

Despois do acto, Cabanillas pretendía visitar en Compostela a Isidro Parga, xenro de Peinador e parente de Eduardo Pondal, coa intención de informarse sobre algúns aspectos da vida do poeta para incorporalos ao discurso de ingreso na Academia Española titulado: Un recuerdo de la vida y obra de Eduardo Pondal.